Psalms 122

Jerusalem aŋkɨsik dakon kap

Dewit dakon kap kɨnda. Piŋkop gawak ɨmɨm tamokon kɨgɨk dakon kap.

1“Kɨlɨ apba Yawe da yutnon kɨno” yaŋ nayɨŋba nandabo tagɨsi agɨt.
2Nin kɨlɨ abɨŋ Jerusalem dakon wigat yapmaŋek nagalgwan pɨgɨmaŋ da akgamaŋ.

3Jerusalem kokup pap uŋun wagɨl tagɨsi wasaŋbi.
4Israel amɨn ɨdon abɨŋ Yawe ya yaŋ iyɨni do kalɨp kɨlɨ yoyɨgɨt uŋun gen yolek abɨŋ abɨŋ aŋ.
5Uŋudon gen kokwin agak tamo tosok.
Dewit dakon dɨwatni kɨla amɨn madep egɨ egɨ awit uŋun dakon gen kokwin tamo toŋ.

6Jerusalem yaworɨsi tosak do bɨsit ani.
Bɨsit yaŋ ani,
“Yawe, Jerusalem do galagɨ nandaŋ amɨn paŋpulugaŋbɨ tagɨsi egɨpni.
7Paŋpulugaŋbɨ Jerusalem da nagalgwan ekwaŋ amɨn emarɨ mɨni tagɨsi egɨpni, ae kɨla amɨni gat kɨsi tagɨsi egɨpni dosi nandamaŋ.”
8Gwakno gat ae notno gat do nandaŋek Jerusalem amɨn do bɨsit yaŋ abeŋ,
“Ji emarɨ mɨni tagɨsi egɨpni.”
9Nak Yawe Piŋkopnin dakon telagɨ yut do nandaŋek bɨsit yaŋ abeŋ,
“Yo kɨnda do wadak wadagɨ mɨni tagɨsi egɨpni.”

Kap 123

Copyright information for YUT